ანდერ ერერა აპრილის თვეში "მანჩესტერ იუნაიტედის" საუკეთესო ფეხბურთელად დასახელდა.

ესპანელმა გამოკითხულთა ხმების 46% მიიღო და აჯობა ერიკ ბაიისა და მარკუს რეშფორდს, რომელთაც 27-27 პროცენტი ერგოთ.

ერერამ კუთვნილი ჯილდო პარასკევს სავარჯიშო კომპლექსზე მიიღო მას შემდეგ, რაც მის გუნდს "სელტა ვიგოს" დამარცხებაში დაეხმარა.

ეს მესამე შემთხვევაა, რომ ერერა ამ ჯილდოს იღებს, პირველი და მეორე ასეთი ფაქტი 2015 წელს თებერვალსა და აპრილში დაფიქსირდა.

ანდერ წინა ოქტომბერსაც იყო ნომინირებული, მაგრამ მისმა თანემამულე ხუნა მატამ ერთი პროცენტით აჯობა.