"სუონსის" ნახევარმცველი გილფიდორ სიგურდსონი პრემიერ ლიგის ისტორიაში მეორე ფეხბურთელია, რომელმაც "ოლდ ტრაფორდზე" ზედიზედ ჩატარებულ სამ გასვლით მატჩში გაიტანა გოლი.

წინა შემთხვევაში იმავე შედეგს სერხიო აგუერომ მიაღწია, რომელმაც თავისი სამმატჩიანი სერია 2015 წლის აპრილში დაასრულა და შესაბამისად, მაჩვენებლის გახანგრძლივების შანსი აღარ აქვს, მაგრამ ისლანდიელი ფეხბურთელი ამ შანსს ჯერ კიდევ ინარჩუნებს.

სიგურდსონმა თავისი სარეკორდო გოლი კვირას "ოლდ ტრაფორდზე" ჩატარებული მატჩის მიწურულს საჯარიმო დარტყმიდან გაიტანა, რითაც თავის გუნდს 1 ქულა მოუპოვა, "იუნაიტედს" კი მნიშვნელოვანი ორი ქულა დააკარგვინა.