გასულ ტურში მანჩესტერულ დერბიში დაფიქსირებული ფრის შემდეგ მოურინიოს გუნდი პრემიერ ლიგის მიმდინარე სეზონში წაუგებელ სერიას განაგრძობს. "წითელი ეშმაკები" უკვე 24 შეხვედრაა არ მარცხდებიან.
ამ მაჩვენებლით პორტუგალიელმა კლუბის ისტორიაში საუკეთესო შედეგი გაიმეორა, რომელიც სერ ალექს ფერგიუსონმა დააფიქსირა 2010/11 წლების სეზონში. "მანჩესტერ იუნაიტედი" პრემიერ ლიგაში ბოლოს ტურნირის ლიდერ ლონდონის "ჩელსისთან" დამარცხდა. ამ ხნის მანძილზე მანჩესტერული კლუბის ანგარიშზე 11 მოგება და 13 ფრე დაგროვდა.
იმ შემთხვევაში, თუ "იუნაიტედი" "სუონსისთან" არ დამარცხდება, გუნდის წაუგებელი სერია 25 მატჩამდე გაიზრდება, რაც პრემიერ ლიგაში კლუბის საუკეთესო მაჩვენებელი იქნება.
პრემიერ ლიგის რეკორდი "არსენალის" ანგარიშზეა. ვენგერის გუნდმა 2003/04 წლებში ტურნირის მოგება წაუგებლად მოახერხეს და 38-მატჩიანი წაუგებელი სერია დააფიქსირეს.