პორტუგალიელმა სპეციალისტმა დაადასტურა, რომ ფრანგი ნახევარმცველი პოლ პოგბა ხვალინდელ შეხვედრაში მონაწილეობას ვერ მიიღებს. თუმცა ანტონიო ვალენსიამ და ანდერ ერერამ ტრავმები მოიშუშეს და დერბიში მონაწილეობას ორივე მათგანი შეძლებს.
თუკი ხვალ "იუნაიტედმა" "ეტიჰადზე" გამარჯვების მოპოვება შეძლო, ეს ძალზედ დიდი ნაბიჯი იქნება ოთხეულისაკენ. ჟოზე მოურინიომ ამ ყოველივეზე ისაუბრა და განაცხადა რომ ოთხეულისთვის ბრძოლა უფრო მნიშვნელოვანია, ვიდრე სხვა ადგილობრივი დაპირისპირებები.
"თუ ჩვენ სეზონს მეხუთე ადგილზე დავასრულებთ და ისინი მეექვსეზე, ჩვენ მათზე მაღლა ვიქნებით, თუმცა ამას მნიშვნელობა არ აქვს. თუ მათ მესამეზე მოახერხეს გასვლა და ჩვენ მეოთხეზე, ესეიგი ისინი ჩვენზე მაღლა დგანან და ეს ძალიან ბევრს ნიშნავს.
ეს ყოველივე არ ეხება პეპ გვარდიოლას ან კონკრეტულად "სიტის". ჩვენ ჩემპიონთა ლიგაზე თამაში გვინდა და ამისთვის ვიბრძვით. ჩვენ ჩემპიონთა ლიგაზე გასვლისთვის ორი ღია კარი გვაქვს, პრემიერ ლიგა და ევროპის ლიგა." - განაცხადა პორტუგალიელმა.