ხვალ პრემიერ ლიგის 34-ე ტურის შეხვედრაში "იუნაიტედი" "ბარნლის" დაუპირისპირდება. შეხვედრის წინ "წითელმა ეშმაკებმა" Aon-ის სავარჯიშო კომპლექსზე ბოლო ვარჯიში გამართეს.

"წითელი ეშმაკები" შეხვედრას საკადრო პრობლემებით ხვდებიან. გასულ მატჩში მიღებული დაზიანებების გამო გუნდს ზლატან იბრაჰიმოვიჩი და მარკოს როხო დააკლდებიან. მოურინიოს განკარგულებაში ასევე ფილ ჯონსი, კრის სმოლინგი და ხუან მატა ვერ იქნებიან.

მანჩესტერელების ვარჯიშს გუნდის კაპიტანი, უეინ რუნიც შეუერთდა, რომელიც "ანდერლეხტთან" მატჩის განაცხადში მოხვდა, თუმცა შეხვედრაში მონაწილეობა არ მიუღია. აღსანიშნავია, რომ "წითელი ეშმაკების" კაპიტანს 1 აპრილის შემდეგ არ უთამაშია.