"მანჩესტერ იუნაიტედის" მთავარი მწვრთნელი, ჟოზე მოურინიო აცხადებს, რომ თავდამსხმელების მიმართ გამოთქმული კრიტიკა მთლიანად გუნდის წევრებს ეხებათ და არა კონკრეტულად ზლატან იბრაჰიმოვიჩს.

ევროპა ლიგის 1/4 ფინალური ეტაპის მატჩში "ანდერლეხტთან" ხელიდან გაშვებული გამარჯვების შემდეგ მოურინიომ განაცხადა, რომ მცველების ადგილას ის ძალიან გაუბრაზდებოდა შემტევ პარტნიორებს.

მოურინიო ამ კრიტიკის საფუძვლად იყენებს ანგარიშს, რომელიც ბრიუსელში დაფიქსირდა. "წითლებს" შემქნილი მომენტების მიუხედავად 1-ზე მეტი გოლის გატანა არ გამოუვიდათ და საბოლოოდ შეხვედრა 1:1 დასრულდა, რაც ჯერ კიდევ აძლევს "ანდერლეხტს" მომდევნო ეტაპზე გასვლის შანსს.

"იმედგაცრუებული ვიყავი არა ზლატანით, არამედ გუნდით. გუნდი მთლიანად აკონტროლებდა თამაშს, მაგრამ ვერ მოკლა. "ანდერლეხტი" 3:0 რომ დაგვემარცხებინა, საპასუხო მატჩზე ისე ვისაუბრებდით, როგორც ამხანაგურზე.

შეგვეძლო, მშვიდად გვეთამაშა, აქსელ ტუანზებეს ან სხვა ახალგაზრდა ბიჭებისთვის მიგვეცა შანსი და ზეწოლის ქვეშ არ ვყოფილიყავით. ინტრიგის მოხსნა ადვილი იყო, მაგრამ ვერ მოვახერხეთ", - განაცხადა მოურინიომ.

წყარო: espn