"ჩელსი"

"იუნაიტედთან" მატჩს ანტონიო კონტეს გუნდი სრულ მზადყოფნაში ხვდება, ლონდონელებს ტრავმირებულები არ ჰყავთ.

"მანჩესტერ იუნაიტედი" პრემიერ ლიგის ბოლო 21 მატჩში დაუმარცხებელია (11 მოგება, 10 ფრე), 2010 წლის აპრილიდან 2011 წლის თებერვლამდე ნაჩვენებ 29-მატჩიან წაუგებელი სერიის შემდეგ ეს ყველაზე ხანგრძლივი წაუგებელი სერიაა კლუბისთვის, პრემიერ ლიგის ისტორიაში კი ეს მაჩვენებელი მე-10 ადგილს იკავებს.

მოურინიოსთვის 21-მატჩიანი წაუგებელი სერია 2005 წლის ოქტომბრის შემდეგ ყველაზე ხანგრძლივი სერიაა. მაშინ მისმა "ჩელსიმ" 40-ს გაუტოლა ამგვარი მატჩების რაოდენობა.

"იუნაიტედმა" ყველა ტურნირზე ჩატარებულ ბოლო 37 საშინაო მატჩში მხოლოდ ერთი წააგო: 24 მოგება, 12 ფრე, 1 წაგება.

მიუხედავად ამისა, "წითელმა ეშმაკებმა" პრემიერ ლიგის ბოლო 6 საშინაო მატჩიდან 5 ფრედ დაასრულეს 2017 წელს, მათ შორის კი ბოლო სამი შეხვედრაცაა.

"ოლდ ტრაფორდზე" ჩატარებული 16 საშინაო მატჩიდან "იუნაიტედმა" 9 ფრედ დაასრულა (6 მოგება, 9 ფრე, 1 წაგება), 1980/81 წლების სეზონის შემდეგ ეს ყველაზე ხანგრძლივი მსგავსი მაჩვენებელია. მაშინ გუნდმა რეკორდული 11 მატჩი ითამაშა ფრედ.

2017 წელს ყველა ტურნირზე ჩატარებულ საშინაო მატჩებში "წითლებმა" მხოლოდ 3 გოლი გაუშვეს.

"მანჩესტერ იუნაიტედმა" 16 საშინაო შეხვედრაში მხოლოდ 6 გამარჯვება მოიპოვა (მოგებული მატჩების 37.5%), რაც ყველა დაბალპროცენტული შედეგია 1973/74 წლების სეზონის შემდეგ (33.3%).

"მანჩესტერ იუნაიტედში" გადასვლის შემდეგ მოურინიომ თავის ყოფილ კლუბთან ორივე შეხვედრა წააგო და მისმა გუნდმა ამ მატჩებში 5 უპასუხო გოლი გაუშვა. თუმცა, პორტუგალიელი "ჩელსის" პირველად უმასპინძლებს "ოლდ ტრაფორდზე".

"ჩელსი"

პრემიერ ლიგაში ჩატარებული ბოლო 11 მატჩიდან "ჩელსიმ" მხოლოდ ერთი წააგო: 8 მოგება, 2 ფრე, 1 წაგება.

"ლურჯების" ანგარიშზე პრემიერ ლიგის მიმდინარე სეზონის საუკეთესო მაჩვენებელია გასვლით მატჩებში: 11 მოგება და დაგროვილი 36 ქულა 16 მატჩში.

"ჩელსი" პრემიერ ლიგის ბოლო 9 მატჩში უშვებს გოლს. გუნდს მხოლოდ ორი უფრო ხანგრძლივი სერია ჰქონდა ზედიზედ ჩატარებული "მშრალი" მატჩების გარეშე - 13 მატჩი 1996 წლის სექტემბრის დეკემბრამდე და 10 მატჩი თებერვლიდან აპრილამდე.

"ჩელსი" გამარჯვების შემთხვევაში ერთ სეზონში მეორეჯერ დაამარცხებს "მანჩესტერ იუნაიტედს", რაც ბოლოს 2009/10 წლების სეზონში კარლო ანჩელოტის ხელმძღვანელობით მოახერხა.

გამარჯვების შემთხვევაში ანტონიო კონტე მხოლოდ მე-4 მწვრთნელი იქნება "ჩელსის" ისტორიაში, რომელმაც "იუნაიტედი" პრემიერ ლიგის ერთ სეზონში ორჯერ დაამარცხა: გლენ ჰოდლი (1993/94), ჟოზე მოურინიო (2004/05) და კარლო ანჩელოტი (2009/10).

ამჟამად კონტეს გუნდს იმდენივე ქულა (75) აქვს, რამდენითაც "იუნაიტედი" 20 წლის წინ ინგლისის ჩემპიონი გახდა.

პრემიერ ლიგაში ჩატარებული 31 მატჩის შედეგად დაგროვილი 75 ქულის მქონე 6 გუნდიდან მხოლოდ ერთმა ("მანჩესტერ იუნაიტედმა" 2012/13) ვერ მოახერხა ჩემპიონობის მოპოვება. "ჩელსიმ" 2005/06 წლების სეზონში 78, 2004/05 წლების სეზონის ამავე ეტაპზე კი 80 ქულა დააგროვა და ორივე შემთხვევაში მოურინიოს ხელმძღვანელობით ჩემპიონი გახდა.








წამყვანი ბომბარდირები: იბრაჰიმოვიჩი – 28 გოლი (17 ლიგაში).

უეინ რუნიმ "ოლდ ტრაფორდზე" პრემიერ ლიგის ეგიდით ჩატარებულ მატჩებში 100 გოლი გაიტანა. ერთადერთი ფეხბურთელი, რომელმაც ერთ სტადიონზე გატანილი გოლების რაოდენობით 100-გოლიან ნიშნულს გადააჭარბა, "არსენალის" ყოფილი ფორვარდი ტიერი ანრია, რომელმაც "ჰაიბერიზე" 114-ჯერ აიღო მეტოქის კარი.

ამჟამად რუნიმ პრემიერ ლიგის 148 მატჩში გაიტანა გოლი. წინ მხოლოდ ალან შირერი (190), ფრენკ ლამპარდი და ენდი კოული (149) არიან.

ზლატან იბრაჰიმოვიჩმა "მანჩესტერ იუნაიტედის" რიგებში პრემიერ ლიგის ეგიდით ჩატარებულ ბოლო 17 მატჩში გატანილ 18 გოლში მიიღო მონაწილეობა (13 გოლი, 5 საგოლე გადაცემა).

მაგრამ შვედ ფორვარდს ანტონიო კონტეს გუნდის წინააღმდეგ ჩატარებული 5 მატჩიდან არცერთში არ გაუტანია გოლი.

"ჩელსი"

წამყვანი ბომბარდირები: კოსტა - 18 გოლი (17 ლიგაში).

დიეგო კოსტას 1 გოლი სჭირდება იმისათვის, რომ პრემიერ ლიგაში "ჩელსის" მაისურით გატანილ გოლთა რაოდენობა 50-ს გაუტოლოს, თუმცა ფორვარდი ბოლო 5 მატჩში ვერ ახერხებს გოლის გატანას, რაც 2013 წლის იანვრის შემდეგ პირველად მოხდა.

ნ'გოლო კანტემ "ჩელსის" მაისურით სულ ორი გოლი გაიტანა 34 მატჩში და ორივე მათგანი "მანჩესტერ იუნაიტედის" კარში.

ურთიერთშეხვედრები

გუნდები ერთმანეთს ყველა ტურნირის ეგიდით 176-ჯერ შეხვდნენ. "იუნაიტედმა" 72-ჯერ იზეიმა გამარჯვება, "ჩელსიმ" 51-ჯერ, ხოლო 53 შეხვედრა ფრედ დასრულდა.

"ჩელსი" "იუნაიტედის" წინააღმდეგ ყველა ტურნირზე ჩატარებულ ბოლო 12 მატჩში არ მარცხდება - 7 მოგება, 5 ფრე. "იუნაიტედის" უკანასკნელი გამარჯვება კი 2012 წლის ოქტომბრით თარიღდება, როცა ხავიერ ერნანდესის გოლმა "წითლებს" "სტემფორდ ბრიჯზე" 2-3 გაამარჯვებინა.

ყველა ტურნირზე ჩატარებულ ბოლო 10 მატჩში "იუნაიტედმა" "ჩელსის" მხოლოდ 3 გოლი გაუტანა.

"ჩელსი" "იუნაიტედთან" პრემიერ ლიგის ბოლო 8 მატჩში არ დამარცხებულა - 4 მოგება, 4 ფრე, ეს ყველაზე ხანგრძლივი მოუგებელი სერიაა "იუნაიტედისთვის", ვიდრე ნებისმიერ სხვა გუნდთან ნაჩვენები შედეგი.

"ჩელსი" პრემიერ ლიგის ერთადერთი გუნდია, რომელსაც "იუნაიტედთან" დადებითი ბალანსი აქვს - 17 მოგება, 13 წაგება, 19 ფრე.

"იუნაიტედზე" მოპოვებული 17 გამარჯვებიდან 5 ჟოზე მოურინიოს ანგარიშზეა - მეტი, ვიდრე ნებისმიერი სხვა მწვრთნელის შედეგი.

სახლში და გასვლაზე

ლიგა: "იუნაიტედი" - 59 მოგება, "ჩელსი" - 44 მოგება, ფრე - 46.
პრემიერ-ლიგა: "იუნაიტედი" - 13 მოგება, "ჩელსი" - 17 მოგება, ფრე -19.



ლიგა: "იუნაიტედი" - 29 მოგება, "ჩელსი" - 19 მოგება, ფრე - 26.

პრემიერ-ლიგა: "იუნაიტედი" - 8 მოგება, "ჩელსი" - 6 მოგება, ფრე - 10.



გასული წლის ანალოგიური მატჩი

"მანჩესტერ იუნაიტედი" 0-0 "ჩელსი"

თარიღი: 28 დეკემბერი, 2015
სწრებადობა: 75275
მსაჯი: მარტინ ატკინსონი

გუნდების შემადგენლობები

მატჩში დაფიქსირებული სტატისტიკური მონაცემები

მთავარმა მსაჯმა მარტინ ატკინსონმა მიმდინარე სეზონში ყველა ტურნირზე 23 მატჩი განსაჯა და 91 ყვითელი ბარათი აჩვენა.

გვერდითი მსაჯები: გარი ბესუიკი, პიტერ კირკუპი
სათადარიგო მსაჯი: ანდრე მარინერი