"მანჩესტერ იუნაიტედის" ნახევარმცველი, ჰენრიხ მხითარიანი მოხარულია, რომ მისმა გუნდმა "სანდერლენდი" 3-0 დაამარცხა და ახლა მომდევნო მატჩში, ევროპა ლიგის ეგიდით "ანდერლეხტთან" ჩასატარებ თამაშში ელის რთულ დაპირისპირებას.

სომეხ ფეხბურთელს მეორე ტაიმში მხოლოდ 47 წამი დასჭირდა იმისათვის, რომ თავისი მერვე გოლი გაეტანა მიმდინარე სეზონში, რაც ზლატან იბრაჰიმოვიჩის მიერ მანამდე გატანილ გოლს დაემატა და ანგარიში 2-0 გახდა, 10 კაცით დარჩენილ "შავ კატებს" კი მარკუს რეშფორდმა მესამე გოლიც გაუტანა და შეხვედრის საბოლოო ანგარიში დააფიქსირა.

"ორი ფრის შემდეგ ძალიან მნიშვნელოვანი მატჩი და გამარჯვება იყო. მოსაგებად ყველაფერი გავაკეთეთ; ვიცოდით, რომ ადვილი არ იქნებოდა, მაგრამ კარგად თამაში მნიშვნელოვანი იყო და 3-0 მოვიგეთ.

მეორე გოლის გატანა ძალიან მნიშვნელოვანი გამოდგა, რადგან თამაში ჯერ არ იყო დასრულებული და მეორე ტაიმში მათ მცირე კონტროლი ჰქონდათ, მაგრამ ჩემი თანაგუნდელების დახმარებით გოლი გავიტანე. ბოლოს მესამეც გავიტანეთ და თამაში დასრულდა.

ყოველთვის მიხარია გოლის გატანა, ასევე საგოლე გადაცემის გაკეთება; სულერთია. ყოველთვის ვშრომობ და რაც შეიძლება მეტი ბურთის გატანა მინდა. გატანა ყოველთვის სასიამოვნოა".

გუნდის ყურადღება ახლა ევროპა ლიგაზეა გადართული, სადაც "იუნაიტედი" "ანდერლეხტთან" გაარკვევს გამარჯვებულის ვინაობას. მხითარიანი ამ ტურნირზე მიმდინარე სეზონში წარმატებით ასპარეზობს და მან ბოლო სამ მეტოქესთან მოახერხა თავის გამოჩენა.

"ანდერლეხტთან" ძალიან მნიშვნელოვანი და რთული მატჩი იქნება. ძალიან კარგი ახალგაზრდა ფეხბურთელებით დაკომპლექტებული გუნდი ჰყავთ და მზად უნდა ვიყოთ ძალიან კარგი მატჩისთვის".

წყარო: manutd.com