ჟოზე მოურინიოს გუნდს ევროპა ლიგის ეგიდით "ანდერლეხტთან" მატჩისთვის ერთი ფეხბურთელი შეიძლება დაუბრუნდეს.

მეკარე დავიდ დე ხეამ "სანდერლენდთან" დაპირისპირება ბარძაყის ტრავმის გამო გამოტოვა, ხოლო ანტონიო ვალენსიას ბოლო ორ მატჩში არ მიუღია მონაწილეობა.

"სტედიუმ ოფ ლაითზე" ჩატარებული მატჩის შემდეგ მოურინიომ განაცხადა, რომ ბრიუსელში ვალენსიას თამაშს ელის.

"სანდერლენდის" წინააღმდეგ ხელმისაწვდომი ფეხბურთელებით ვითამაშეთ. მანჩესტერში არავინ დარჩენილა იმის გამო, რომ მათი დასვენება გვინდოდა ან "ანდერლეხტთან" მატჩის გამო როტაციას მივმართეთ. სულაც არა.

სწორედ ეს ფეხბურთელები იყვნენ ხელმისაწვდომი ახლა და სხვებს რომ ვუყურებ, მხოლოდ ვალენსიაა ხელმისაწვდომი, სხვები კი, არა მგონია. ჩემი მოლოდინით, მეტი არავინ დაგვიბრუნდება", - განაცხადა მოურინიომ.

კვირას "იუნაიტედის" მატჩი შვიდმა ფეხბურთელმა გამოტოვა, რამეთუ დე ხეა და ვალენსია კრის სმოლინგს, ფილ ჯონსს, ეშლი იანგს, ხუან მატასა და კაპიტან უეინ რუნის შეუერთდნენ მატჩის გამოტოვებაში. მიუხედავად იმისა, რომ მწვრთნელი დე ხეას ტრავმას სერიოზულად არ მოიაზრებს, მაინც ფიქრობს, რომ მეკარის პოზიციას კვლავ სერხიო რომერო დაიკავებს.

"დე ხეას ტრავმა სერიოზული არ არის და რომერო კარგად თამაშობდა ყოველთვის, როცა მოედანზე გადიოდა. გულშემატკივარი მიეჩვია, რომ ევროპა ლიგის მატჩში კარს რომერო იცავს - ეს ყველაზე მნიშვნელოვანი ტურნირია ლიგის თასის მოგების შემდეგ.

ევროპა ლიგა არის ტურნირი, რომლის მოგებაც შეგვიძლია, ამიტომაც რომეროს თუ ვათამაშებთ ამ ტურნირზე და მას სათამაშო თავდაჯერებულობას ვძენთ, იმის გამოა, რომ კარგი მოთამაშეა და დღეს თავად აჩვენა თავისი კომფორტული მდგომარეობა".

წყარო: manutd.com