"სანდერლენდთან" მატჩის საუკეთესო ფეხბურთელი, ზლატან იბრაჰიმოვიჩი აცხადებს, თავს ფილმის გმირ ბენჟამინ ბატონივით გრძნობს.

სწორედ 35 წლის ფორვარდმა გახსნა ანგარიში შეხვედრაში და თავისი 28-ე გოლი გაიტანა მიმდინარე სეზონის ყველა ტურნირზე.

იბრაჰიმოვიჩის შთამბეჭდავი ფორმა წლების განმავლობაში იმითაც დასტურდება, რომ 30 წელს გადაცილების შემდეგ მან თავისი 250-ე გოლი გაიტანა.

მიმდინარე თვეში ჩასატარები ცხრა მატჩიდან "იუნაიტედმა" სამი უკვე ჩაატარა და დარჩენილი განრიგი ზლატანს გადატვირთულ გრაფიკს ჰპირდება, მაგრამ ბენჟამინ ბატონი, როგორც ის უწოდებს თავის თავს, ყოველ თამაშში ახალგაზრდავდება.

"ბევრს ვვარჯიშობ. ჩემი თავის მჯერა და ვიცი, რაც შემიძლია. არ ვდარდობ. რაც უფრო ასაკში შედიხარ, უფრო გამოცდილი, უფრო ბრძენი ხდები, ენერგიას ისეთ რამეებზე არ ხარჯავ, რაც არ გჭირდება. თავს ბენჟამინ ბატონად ვგრძნობ. მოხუცი დავიბადე და ახალგაზრდა მოვკვდები", - განაცხადა შვედმა.

"იუნაიტედი" ამჟამად მეხუთე ადგილზე გადავიდა და მეოთხე ადგილოსან "მანჩესტერ სიტის" 4 ქულით ჩამორჩება, ფორვარდს კი მიაჩნია, რომ მის გუნდს ჯერ კიდევ შესწევს ოთხეულში შესვლის ძალა.

"დღეს კარგი გამარჯვება მოვიპოვეთ. კონცენტრაცია არ უნდა დავკარგოთ, უნდა ვიშრომოთ და გვჯეროდე, რომ ოთხეულში შევალთ. ამის გვჯერა კიდეც და ყველაფერს გავაკეთებთ იქ მოსახვედრად".

წყარო: manutd.com