ჟოზე მოურინიომ "მანჩესტერ იუნაიტედის" ოფიციალურ ტელევიზიას დაუდასტურა, რომ დავიდ დე ხეას მცირე პრობლემა აქვს, რის გამოც "სანდერლენდთან" მატჩი გამოტოვა.

მეკარემ პრემიერ ლიგაში წინა 63 მატჩი დაიწყო სასტარტო შემადგენლობაში, მაგრამ მისი თანმიმდევრულობა ახლა დასრულდა და "სტედიუმ ოფ ლაითზე" მეკარის პოზიცია სერხიო რომერომ დაიკავა, რომლის შემცვლელადაც ჟოელ კაშტრუ პერეირა იჯდა სათაიდარიგოთა სკამზე.

დე ხეას პრობლემა სერიოზული არ არის, მაგრამ ჯერჯერობით უცნობია, შეძლებს თუ არა ხუთშაბათს ევროპა ლიგის ეგიდით "ანდერლეხტთან" მატჩში თამაშს.

"სანდერლენდთან" მოგებული მატჩის შემდეგ მოურინიომ ესპანელის თაობაზე დასმულ შეკითხვას უპასუხა: "თეძოს პრობლემა აქვს. როცა იხრება, ტკივილს გრძნობს. კარგია, რომ დაისვენა. კარგია სერხიო რომეროსთვისაც, რომ ბრიუსელში ჩასატარებ მატჩამდე ითამაშა. დე ხეა "ჩელსისთვის" იქნება მზად - დიახ, თუ კარგ მდგომარეობაში აღმოჩნდება."

წყარო: manutd.com