ჟოზე მოურინიო აცხადებს, რომ ადნან იანუზაის მომავალი მან უკვე გადაწყვიტა, მაგრამ ჯერჯერობით ამ გადაწყვეტილების გამხელას არ აპირებს.

22 წლის ფეხბურთელი სეზონის ბოლომდე "სანდერლენდშია" განათხოვრებული იჯარის წესით და იქ "იუნაიტედის" ყოფილ მწვრთნელთან, დევიდ მოიესთან ერთად მუშაობს.

"სტედიუმ ოფ ლაითზე" მან 24 მატჩი ჩაატარა და მხოლოდ ერთი გოლი გაიტანა. გასულ კვირაში "უოტფორდთან" 1-0 დამარცხებისას კი "სანდერლენდის" რამდენიმე გულშემატკივარი იანუზაის თამაშს სტვენით ხვდებოდა, რასაც ნაწილობრივ ამართლებს მოიესი, რომელიც ბელგიელისგან უფრო მეტის მოლოდინშია.

ადნან "იუნაიტედთან" დაკავშირებული მოქმედი კონტრაქტით 1 წელი აქვს დარჩენილი, სეზონის ბოლოს კი კლუბში დაბრუნდება.

როცა მოურინიოს შემტევის შესახებ ჰკითხეს, მან უპასუხა: "დიახ, მე უკვე გადავწყვიტე, მაგრამ თქვენ არ გეტყვით."

წყარო: M.E.N.