"მანჩესტერ იუნაიტედის" თავდამსხმელი ზლატან იბრაჰიმოვიჩი აცხადებს, რომ "წითლები" სეზონის ბოლოს საუკეთესო ოთხ გუნდს შორის იქნებიან. ბოლო მატჩების შედეგებს თუ გავითვალისწინებთ, არ არის გამორიცხული, რომ "იუნაიტედის" ბოსმა, ჟოზე მოურინიომ, ძირითადი აქცენტი ევროპა ლიგაზე გადაიტანოს და იქ შეეცადოს ტიტულის მოპოვებას.

მაგრამ, ასე არ თვლის შვედი შემტევი, რომელიც დღეს დაუბრუნდება გუნდს სამ მატჩიანი დისკვალიფიკაციის შემდეგ.

"თავს მშვენივრად ვგრძნობ. მომენატრა "ოლდ ტრაფორდი" და ჩემს გუნდთან ერთად თამაში. დავბრუნდი და მინდა გუნდში პოზიტიური ემოციები შემოვიტანო."

"ერთი მატჩი ძალიან ხშირად ცვლის ბევრ რამეს - მოულოდნელად შენ შეიძლება დაიკავო მესამე, მეოთხე, მეხუთე ან კიდევ მეექვსე პოზიცია ცხრილში. პირველი ადგილი საკმაოდ შორსაა, მაგრამ არა მეორე ადგილი, თუ გუნდი 2-3 მატჩს გადაბმულად მოიგებს, ჩემპიონთა ლიგის მოსახვედრ ზონაში აღმოვჩნდებით.

ვფიქრობ, ოთხეულში შესვლა შეგვიძლია. საკმარისი ქულები გვაქვს იმისთვის, რომ ჩემპიონთა ლიგის საგზურისთვის ვიბრძოლოთ. ყველამ უნდა მოვინდომოთ, რომ ეს ადგილი დავიმსახუროთ." - აცხადებს შვედი ფორვარდი MUTV-თან ინტერვიუში.

წყარო:fapl.ru