ლეგენდარული გერმანელმა ნახევარმცველი, ბასტიან შვაინშტაიგერი კარიერას ამერიკაში, კერძოდ "ჩიკაგო ფაირში" განაგრძობს. შვაინშტაიგერს კლუბის დატოვება სათამაშო დროის არქონის გამო მოუწია, რაც მოურინიოს დამსახურებაა.

პორტუგალიელმა გერმანელი ფეხბურთელის ტრანსფერთან დაკავშირებით კომენტარი გააკეთა და აღიარა, რომ მასთან მიმართებაში შეცდომა დაუშვა.

"ვწუხვარ იმის გამო, რაც სეზონის პირველ ნაწილში ბასტიან შვაინშტაიგერის თავს ხდებოდა. შვაინშტაიგერი ერთ-ერთია იმ ფეხბურთელთაგან, რომელსაც ბოდიში უნდა მოვუხადო.

როცა ის უფრო ახლოს გავიცანი, როცა დავინახე, რომ ის პატივისცემით ეკიდებოდა ჩემს ყველა გადაწყვეტილებას, ვინანე კიდეც ჩემი საქციელი. მე არ ვიყავი მართალი და ამისი აღიარება არ მრცხვენია.

უკანასკნელი, რაც მე ბასტიანს ვუთხარი იყო ის, რომ მე თავიდან შევცდი მასთან მიმართებაში. ჰოდა არ ღირდა მეორე შეცდომის დაშვება. როდესაც მან მკითხა, რას ვფიქრობდი მის წასვლაზე და მივცემდი თუ არა ნებას, მე დავთანხმდი. არ შემეძლო უარი მეთქვა მისთვის წასვლაზე, თუმცა სეზონი გრძელია და ის ჩვენც დაგვჭირდებოდა" - განაცხადა მოურინიომ.