"მანჩესტერ იუნაიტედი" ზაფხულის სატრანსფერო ფანჯარაზე აქტიურობას კვლავ გეგმავს, რაც ჭორების გავრცელებას ხელს უწყობს.
გავრცელებული ინფორმაციით, "წითელი ეშმაკები" "ტოტენჰემისა" და ინგლისის ნაკრების ნახევარმცველის, ერიკ დაიერის შეძენას შეეცდებიან.
როგორც The Sun-ი იუწყება, მანჩესტერელები ინგლისელის სანაცვლოდ 40 მილიონი ფუნტის გადახდას აპირებენ. მოურინიოს ახალგაზრდა ინგლისელის შეძენას იანვრის სატრანსფერო ფანჯრის დროსაც გეგმავდა, თუმცა მცდელობა წარუმატებლად დასრულდა.
ერიკ დაიერი "ტოტენჰემის" ღირსებას 2014 წლიდან იცავს. ამ დროის მანძილზე მან 186 შეხვედრა ჩაატარა, სადაც 9 გოლის გატანა და 11 საგოლე გადაცემის გაკეთება მოახერხა. 23 წლის ინგლისელს ლონდონურ კლუბთან მოქმედი კონტრაქტი 2021 წლამდე აკავშირებს.