გავრცელებული ინფორმაციის თანახმად, "მანჩესტერ იუნაიტედი" და "ლივერპული" "ატლეტიკოს" 22 წლის მცველის, ხოსე ხიმენესის შეძენას შეეცდებიან.

ახალგაზრდა ურუგვაელი ვეღარ ხვდება გუნდის სასტარტო შემადგენლობაში, რაც ჭორების თანახმად, დიეგო სიმეონესთან პირადი კონფლიქტითაა გამოწვეული. მოსალოდნელია, რომ ესპანელები დაახლოებით 34-42 მილიონ ფუნტს მოითხოვენ ფეხბურთელში.

მოურინიოს გუნდის ერთ-ერთი ყველაზე სუსტი ზონა დაცვის ცენტრალური ხაზია. გარდა ამისა, პორტუგალიელს ტრავმების გამო ხშირად უხდება ცენტრალური მცველების წყვილის შეცვლა.

ხიმენესს მოქმედი კონტრაქტი 2018 წლამდე აკავშირებს. მიმდინარე სეზონში მის ანგარიშზე ყველა ტურნირზე ჩატარებული 19 შეხვედრაა.

მომზადებულია Mirror-ის მიხედვით.