გავრცელებული ჭორების თანახმად, ზაფხულის სატრანსფერო ფანჯარაზე "ევერტონი" თავისი ყოფილი ფეხბურთელის, უეინ რუნის დაბრუნებას ეცდება.
მიუხედავად იმისა, რომ რუნიმ "იუნაიტედის" ყველა დროის საუკეთესო ბომბარდირის სტატუსი უკვე მოიპოვა - ინგლისის ნაკრების ყველა დროის საუკეთესო ბომბარდირობის შემდეგ - ჟოზე მოურინიოს გუნდში მას კვლავ შეზღუდული სათამაშო დრო აქვს, რაც კლუბებისგან მის მიმართ გამოჩენილი ინტერესის თაობაზე ჭორების გავრცელებას უწყობს ხელს.
ტრანსფერის განხორციელების შემთხვევაში ლივერპულელებს რუნისთვის კვირაში 150000 გირვანქა სტერლინგის გადახდა მოუწევთ.
ინგლისელი "ევერტონის" ღირსებას 2002-დან 2004 წლამდე იცავდა, ამ ხნის განმავლობაში მან 77 მატჩის ჩატარება და 17 გოლის გატანა მოახერხა.