პრემიერ ლიგის 29-ე ტურის შეხვედრაში ჟოზე მოურინიოს გუნდი "მიდლსბროს" დაუპირისპირდა, სადაც "წითელმა ეშმაკებმა" მეტოქე 1-3 დაამარცხეს. "მანჩესტერ იუნაიტედმა" როგორც იქნა პრემიერ ლიგის ცხრილში ერთი საფეხურით წინ წაწევა მოახერხა, გუნდი ამჯერად მე-5 ადგილს იკავებს.

მანჩესტერელები შეხვედრას დიდი დანაკლისით შეხვდნენ, გუნდს იბრაჰიმოვიჩი, პოგბა, ანდერ ერერა და უეინ რუნი დააკლდნენ, თუმცა "წითელმა ეშმაკებმა" ფელაინის, ლინგარდისა და ვალენსიას გოლების წყალობით უმნიშვლოვანესი 3 ქულის მოპოვება და წაუგებელი სერიის გაგრძელება შეძლეს, რომელიც პრემიერ ლიგის მიმდინარე სეზონში 18-მატჩს ითვლის. აღსანიშნავია, რომ ეს მიმდინარე სეზონის ევროპის 5 საუკეთესო ჩემპიონატში საუკეთესო შედეგია.