ჟოზე მოურინიომ აღნიშნა, რომ "ჩელსისთან" განცდილი მარცხის შემდეგ ანტონიო კონტესთვის ხელის ჩამორთმევას, "მანჩესტერ იუნაიტედის" ფეხბურთელებისა და გულშემატკივრების გამხნევება ამჯობინა.

"იუნაიტედი" ინგლისის თასს გუშინ ღამით გამოეთიშა და ნახევარფინალის საგზური "ჩელსის" დაუთმო, რომელიც "ტოტენჰემს" დაუპირისპირდება.

"სტემფორდ ბრიჯზე" გამართული შეხვედრის პირველ ტაიმში მოურინიოსა და კონტეს მცირე შელაპარაკება მოუხდათ, რის გამოც მეოთხე მსაჯს მათი გაშვება მოუწია.

მატჩის შემდეგ მწვრთნელებმა ერთმანეთს ხელი არ ჩამოართვეს და მოურინიო აღნიშნავს, რომ თავის კოლეგას უპატივცემულოდ არ მოექცეოდა, მისგან ინიციატივა რომ შეენიშნა.

"კონტე ჩემთან რომ მოსულიყო, ხელს ჩამოვართმევდი. ეს არ გამიკეთებია, რადგან ვიფიქრე, რომ ჩემი ფეხბურთელები დაუყოვნებლივ მხარდაჭერას საჭიროებდნენ, გულშემატკივრებისთვის კი მადლობა უნდა გადამეხადა, ასე რომ, ეს იყო მიზეზი.

გასახდელი ოთახის გარეთ თუ დავინახავ, გპირდებით, რომ ხელს ჩამოვართმევ. მისთვის სათქმელი არაფერი მაქვს, მაგრამ ხელს კი ნამდვილად ჩამოვართმევ", - განაცხადა მოურინიომ.

წყარო: metro