ორშაბათს ინგლისის თასის მეოთხედფინალურ ეტაპზე "მანჩესტერ იუნაიტედი" ლონდონის "ჩელსის" დაუპირისპირდება. ამ გუნდების ბოლო დაპირისპირება პრემიერ ლიგაში ლონდონელთა გამარჯვებით 4-0 დასრულდა.

ჟოზე მოურინიომ ამ ფაქტთან დაკავშირებით მცირე კომენტარი გააკეთა და განაცხადა, რომ მას ყოფილ კლუბზე შურისძიება არ სურს.

"ჩელსიზე შურისძიება არ მსურს, წარსულზე არ ვფიქრობ. მათ შესანნიშნავი დაცვის ხაზი ჰყავთ და მათ წინააღმდეგ თამაში რთული იქნება.

თუკი რაიმე არსებობს განააკუთრებული, ძალიან განსაკუთრებული, ერთ-ერთი მათგანი გარი სტაკერთან შეხვედრაა. ის საოცრად ახლო მეგობარია" - განაცხადა პორტუგალიელმა.

ჟოზე მოურინიომ დაადასტურა, რომ ორშაბათს "ჩელსისთან" მატჩზე "მანჩესტერ იუნაიტედის" შესუსტებულ შემადგენლობას არ გაიყვანს.

პორტუგალიელი "სტემფორდ ბრიჯზე" მხოლოდ ძლიერი შემადგენლობით გავა, - და არა ნიკი ბატის რეზერვების წევრებით, - რათა ლუი ვან გაალის მიერ მაისში მოგებული ტიტულის დაცვას განაგრძოს.

აღსანიშნავია, რომ "მანჩესტერ იუნაიტედი" 2012 წლის შემდეგ ვერ ახერხებს ლონდონელთა დამარცხებას.