შვედ ფორვარდს ამერიკის ჩემპიონატში იწვევენ.
"ლოს-ანჯელეს გელექსი" ზლატან იბრაჰიმოვიჩის შეძენით არის დაინტერესებული, იტყობინება "სქაი სპორტსი".
მიუხედავად იმისა, რომ "გელექსი" შარშანაც ცდილობდა შვედის შეძენას, "პარი სენ-ჟერმენის" დატოვების შემდეგ იბრაჰიმოვიჩმა "მანჩესტერ იუნაიტედში" გადასვლა ამჯობინა.
"ოლდ ტრაფორდზე" ელიან, რომ 35 წლის ფორვარდი მინიმუმ ერთი წელი დარჩება კლუბში, მაგრამ ფეხბურთელს ჯერ არ გაუხანგრძლივებია კონტრაქტი.
იბრაჰიმოვიჩს ამჟამად სამმატჩიანი დისკვალიფიკაცია აქვს შიდა ჩემპიონატების მატჩებში, რის განმავლობაშიც გამოტოვებს "ჩელსისთან" სათასო მატჩს და პრემიერ ლიგაში "მიდლსბროსა" და "ვესტ ბრომთან" დაპირისპირებებს.
ლიგის თასის ფინალური მატჩის შემდეგ, რომელშიც იბრაჰიმოვიჩმა დუბლი შეასრულა, მოურინიომ გულშემატკივრებს ხუმრობით მოუწოდა, რომ იბრაჰიმოვიჩის შესანარჩუნებლად ფეხბურთელის სახლთან ღამის გათევაა საჭირო.
ამ დუბლის შემდეგ ზლატანმა თავისი გოლების რაოდენობა მიმდინარე სეზონში 26-მდე აიყვანა და მისსავე ანგარიშზეა პრემიერ ლიგაში გატანილი 15 გოლი, რაც თითქმის ნახევარია კლუბის მიერ გატანილი ჯამური 39 გოლისა.
წყარო:
skysports.com