"მანჩესტერ იუნაიტედისა" და "როსტოვის" მატჩი ჩაშლის საფრთხის წინაშე არ არის და დანიშნულ დროს გაიმართება, რამეთუ UEFA-მ მოედნის საფარი თამაშისთვის ვარგისიანად ჩათვალა.

ჟოზე მოურინიომ ევროპა ლიგის 1/8 ფინალური მატჩის გადადება მოითხოვა, რადგანაც მიიჩნია, რომ მოედნის საფარი ფეხბურთელებისთვის სახიფათოა.

მაგრამ ევროპულმა საფეხბურთო ასოციაციამ დღესვე მიიღო საბოლოო გადაწყვეტილება და მიუხედავად იმისა, რომ აღიარა, საფარი იდეალური არ არის, მატჩის ჩატარება მაინც შესაძლებლად მიიჩნია.

UEFA-ს განცხადებაში ნათქვამია: "ოთხშაბათს მატჩის ოფიციალურმა პირებმა მოედნის გამოკვლევა ჩაატარეს. მოედნის საფარი იდეალური არ არის, მაგრამ სათამაშოდ ვარგისია. მატჩი დანიშნულ დროს გაიმართება".

თავის მხრივ კი "როსტოვის" მთავარი მწვრთნელი ივან დანილიანცი აცხადებს, რომ მოედანი ახლა უკეთეს მდგომარეობაშია, ვიდრე "სპარტასთან" მატჩისას იყო.

"ამ საფარზე სხვა ინციდენტი არ მომხდარა, რადგან "სპარტას" უკვე ვეთამაშეთ და მაშინ უარესი პირობები იყო. გვესმის, რომ გადაწყვეტილება UEFA-მ უნდა მიიღოს და არა ჩვენმა კლუბმა. ჩვენც გვინდა უკეთეს მოედანზე თამაში, როგორიც, მაგალითად, "უემბლია".