"მანჩესტერ იუნაიტედის" მცველის, მარკოს როხოს ბიძაშვილი ყოფილი პოლიციელის გაძარცვის მცდელობის შემდეგ გარდაიცვალა.

17 წლის ჯერონიმო როხო დღეს დილის საათებში საავადმყოფოში გარდაიცვალა მას შემდეგ, რაც თანმხლებ პირთან ერთად პენსიაში გასული პოლიციელის გაძარცვის მცდელობისას იარაღით დაჭრეს. თანმხლები პირი 26 წლის როდრიგო ბარბოსა გახლდათ, რომელიც დანაშAულის ადგილზე დაიღუპა.



ისინი 50 წლის რაუნ ანიბალის გაძარცვას გუშინ საღამოს 10 საათზე ეცადნენ მარკოსის მშობლიურ ქალაქ ლა პლატაში, რომელიც არგენტინელის დედაქალაქ ბუენოს აირესიდან სამხრეთ-დასავლეთის მიმართულებით ერთი საათის სავალზეა.

ადგილობრივი მედია იტყობინება, რომ პოლიციის ყოფილმა ოფიცერმა რამდენიმე გასროლა განახორციელა ახალგაზრდების მიმართულებით, რაც ფატალური აღმოჩნდა.

ბარბოსა რამდენიმე წუთში გარდაიცვალა, როხო კი სან მარტინის საავადმყოფოში გადაიყვანეს მხარში მომხდარი ტყვიით, მაგრამ შვიდსაათიანი ბრძოლის შემდეგ სიცოცხლეს გამოეთხოვა.

ლა პლატას ავტორიტეტულმა გამოცემა "ჰოიმ", რომელმაც უმცროს დამნაშავეს მარკოს როხოს ბიძაშვილი უწოდა, თინეიჯერისა და მისი გარდაცვლილი თანამზრახველის ფოტო გამოაქვეყნა, რომელიც მათივე მოტოციკლეტთან ერთად არის გადაღებული.



პოლიციის ანგარიშში ნათქვამია, რომ წყვილმა ჯერ ტაქსის გაძარცვა სცადა, რის შემდეგაც ყოფილი პოლიციელი ამოიღეს მიზანში. თავის მხრივ დაპატიმრებულმა ყოფილმა პოლიციელმა გამომძიებლებს განუცხადა, რომ მას იარაღი დაუმიზნეს, რის შემდეგაც თავდაცვის მიზნით 40-კალიბრინია პისტოლეტიდან გაისროლა.



წყარო: mirror