Gazzetta dello Sport-ის ინფორმაციით, ”ტორინოს” უნიჭიერესი ფეხბურთელით, ანდრეა ბელოტითი ”ჩელსი”, ”მანჩესტერ იუნაიტედი” და მადრიდის ”რეალი” ინტერესდებიან. ”ჩელსის” ხელმძღვანელები გასულ კვირას ორჯერ დაუკავშირდნენ ტურინელებს ტრანსფერის თაობაზე.

ამ უიქენდზე ანდრეამ ბრწყინვალე მატჩი ჩაატარა ”პალერმოსთან”. აღნიშნული მატჩი ბელოტის გუნდმა ანგარიშით 3:1 მოიგო. იტალიელმა ზუსტად 8 წუთში ჰეთ-თრიქის გაფორმება შეძლო. მას 24 მატჩში 22 გოლი დაუგროვდა და სერია ა-ს ერთპიროვნული ლიდერია ბომბარდირთა დავაში.

პრესამ დააფიქსირა, რომ ”ჩელსის” სკაუტი ”ფიორენტინა”-”ტორინოს” მატჩს ესწრებოდა, სადაც ბელოტიმ აგრეთვე თავი კარგად წარმოაჩინა და დუბლის წყალობით გუნდს ქულა მოუტანა. ”ჩელსის” ბოსები ანდრეა ბელოტით ცდილობენ დიეგო კოშტა ჩაანაცვლონ, რომელმაც შესაძლოა ზაფხულში გუნდი დატოვოს.

რაც შეეხება ”წითელ ეშმაკებს”, ისინიც უკვე სერიოზულად დაინტერესდნენ ბელოტით. თუკი ანტუან გრიზმანის საქმე მათთვის სასიკეთოდ ვერ მოგვარდა, მაშინ ალტერნატივის სახით ისინი იტალიელის შეძენას შეეცდებიან

ინგლისურ გრანდებს საკმაოდ სერიოზული გარიგების დადება მოუწევთ ”ტორინოსთან”, რადგან მათი ხელმძღვანელების განცხადებით, ისინი ბელოტის არც მეტი არც ნაკლები 100 მილიონი ევროს სანაცვლოდ დათმობენ.

წყარო: 101GreatGoals.Com