ზლატან იბრაჰიმოვიჩი და პოლ პოგბა ლიგის თასის ფინალის მოგების შემდეგ ხუმრობის ხასიათზე იყვნენ.

მატჩის საუკეთესო ფეხბურთელმა და მსოფლიოს ყველაზე ძვირადღირებულმა მოთამაშემ ჟურნალისტებს ერთობლივი ინტერვიუ მისცეს, რომლის დროსაც ერთმანეთი შეაქეს.

"იუვენტუსიდან" რეკორდული თანხის სანაცვლოდ შეძენილმა ფეხბურთელმა შვედის შესახებ განაცხადა, რომ "იუნაიტედმა" სწორედ იმის გამო შეიძინა იბრაჰიმოვიჩი, დიდ მატჩებში სხვაობის შეტანა რომ შეძლოს, რაზეც იბრაჰიმოვიჩი გამოეხმაურა.

"მიყიდეს? მე უფასოდ მოვედი, ეს შენ გიყიდეს".