"მანჩესტერ იუნაიტედის" მთავარი მწვრთნელი, ჟოზე მოურინიო მიიჩნევს, რომ მის გუნდს ჯერ კიდევ არ გამოსდის შექმნილი მომენტების სათანადოდ გამოყენება.

მიუხედავად იმისა, რომ "წითლები" მატჩების უმეტესობაში დომინირებენ და მომენტებს ქმნიან, პრემიერ ლიგის ტოპ-შვიდეულის გუნდებს შორის ყველაზე ნაკლები გოლი აქვთ გატანილი.

პორტუგალიელი სპეციალისტი თავისი შეგირდების რეალიზაციას უჩივის და აღიარებს, რომ მომენტების გამოყენება გუნდს გაცილებით უკეთ უნდა გამოსდიოდეს.

"არ მინდა ვთქვა, რომ ეს ბარიერი გადავლახეთ და ბევრი გოლი გაგვაქვს, რადგან ამჟამად ასე არ ხდება. ჯერ კიდევ უფრო მეტ მომენტს ვქმნით, ვიდრე გოლი გაგვაქვს.

უფრო ცივსისხლიანები უნდა ვიყოთ, როცა ფინალში და ფინალის შემდეგ რთულ სათასო მატჩებში გავალთ.

მაგრამ უკეთესად კი ნამდვილად გამოვიყურებით და თავდაჯერებულობის დონემაც იმატა, რადგან მატჩების მოგებითა და შედეგების მიღებით გამოწვეული ემოცია გვაქვს", - განაცხადა მოურინიომ.

წყარო: M.E.N.