უეინ რუნიმ ჩინეთის სუპერ ლიგაში მოასპარეზე გუნდების თაობაზე გავრცელებულ ჭორებს უპასუხა და დაადასტურა, რომ "მანჩესტერ იუნაიტედის" დატოვებას არ აპირებს.
მიმდინარე კვირაში რუნის აგენტი, პოლ სტრეტფორდი ჩინეთში იმყოფებოდა, რათა მოლაპარაკებები გაემართა ჩინურ კლუბებთან, რომლებიც ინგლისის კაპიტანს პრემიერ ლიგის დატოვების ვარიანტს სთავაზობენ.
ჩინური სატრანსფერო ფანჯარა თებერვლის ბოლომდე ღიაა, რაც ნიშნავს, რომ შეთანხმების მიღწევა ჯერ კიდევ შესაძლებელი იყო, მაგრამ "იუნაიტედის" ყველა დროის საუკეთესო ბომბარდირმა აღიარა, რომ "ოლდ ტრაფორდის" დატოვება არ სურს და "წითლებს" დაეხმარება.
პრეს-ასოციაციასთან საუბარში რუნიმ განაცხადა: "მიუხედავად ინტერესისა, რომელიც სხვა კლუბებმა ჩემდამი გამოავლინეს, რის გამოც მოხარული ვარ, გავრცელებულ ჭორებს ბოლოს მოვუღებ და ვიტყვი, რომ "მანჩესტერ იუნაიტედში" ვრჩები.
იმედი მაქვს, სრულიად მივიღებ მონაწილეობას გუნდის დახმარებაში, რაც ნამდვილად სჭირდებათ ოთხ ფრონტზე ბრძოლის პროცესში. კლუბი ამაღელვებელ პერიოდში იმყოფება და მეც ამის ნაწილი ვარ."