ჟოზე მოურინიომ განაცხადა, რომ უნდა მოიცადოს, სანამ დარწმუნდება, შეძლებს თუ არა უეინ რუნი ლიგის თასის ფინალში თამაშს, რომელშიც "მანჩესტერ იუნაიტედის" კვირას "საუთჰემპტონს" დაუპირისპირდება.
რუნი დღეს "იუნაიტედის" სავარჯიშო ბაზაზე ვარჯიშისას შენიშნეს, რის შემდეგაც გუნდი საფრანგეთში კაპიტნის გარეშე გაემგზავრა. მოურინიომ ამის მიზეზად დაასახელა, რომ უეინი ბოლომდე არ არის დატვირთვისთვის მზად.
"არ ვიცი, კვირას შეძლებს თუ არა თამაშს. დღეს პირველად ივარჯიშა და 100%-ითაც კი არ უვარჯიშია გუნდთან ერთად.
პირველი 15 წუთის განმავლობაში ღია ვარჯიში გვქონდა და ხედავდით, რომ რუნი ხურდებოდა და გახურების შემდეგ რამდენიმე ვარჯიშს ასრულებდა, მაგრამ მაღალი ინტენსიურობის ვარჯიშს ვერ გაუმკლავდა.
ასე რომ, ხვალ ვერანაირად ვერ ითამაშებს, ჩვენთან ერთად არ არის, ვარჯიშზე დარჩა და ვნახოთ, რა იქნება კვირის ბოლოს", - განაცხადა პორტუგალიელმა.