ჟოზე მოურინიომ ეშლი იანგის თამაში განსაკუთრებული შექებით მოიხსენია და მარჯვენა მცველის პოზიციაზე მოასპარეზე ფეხბურთელს "ბლექბერნ როვერსთან" მატჩის საუკეთესო მოთამაშე უწოდა.
"ივუდ პარკზე" გამართული შეხვედრისთვის მწვრთნელმა შვიდი ცვლილება განახორციელა, რომელთაგან ერთ-ერთი იანგის გამწესება იყო სასტარტო შემადგენლობაში.
კარგი თამაშის შემდეგ იანგი ჰენრიხ მხითარიანთან და ზლატან იბრაჰიმოვიჩთან ერთად მატჩის საუკეთესო ფეხბურთელის წოდებაზე წარადგინეს.
მიუხედავად იმისა, რომ ამ ჯილდოს მფლობელი მხითარიანი გახდა, მოურინიოს აზრით, იანგი უფრო მეტად იმსახურებდა.
"ჩვენი ბიჭები მართლაც კარგები იყვნენ, ამაზე უკეთ თამაში შეუძლებელია. მთლიანად მატჩში იყვნენ ჩართული. ისინიც კი, ვინც ხშირად ვერ თამაშობენ.
ჩემი აზრით, ეშლი იანგი მატჩის საუკეთესო ფეხბურთელი იყო. აბსოლუტურად საოცარი მატჩი ჩაატარა. რთული შეხვედრა იყო, გახსნილი თამაში, "ბლექბერნი" ბოლო წუთამდე ცდილობდა გამარჯვებას, ამიტომაც ძალიან მნიშვნელოვანი იყო გოლის გატანა და უსაფრთხოების შეგრძნება", - განაცხადა პორტუგალიელმა.