"მანჩესტერ იუნაიტედი" ევროპის ლიგის მატჩისთვის ემზადება. მოურინიოს გუნდი 16 თებერვალს, "ოლდ ტრაფორდზე" "სენტ ეტიენს" უმასპინძლებს. შეხვედრის წინ "წითელმა ეშმაკებმა" Aon-ის სავარჯიშო კომპლექსზე ბოლო ვარჯიში გამართეს.

გუნდის სამმა ფეხბურთელმა: უეინ რუნიმ, ფილ ჯონსმა და მაიკლ კერიკმა მატჩის წინა ვარჯიში გამოტოვა. გუნდთან ერთად მარკო როხომაც ივარჯიშა, რომელიც მოედანზე 5 თებერვლის შემდეგ არ გამოჩენილა.