ჩემპიონთა ლიგის ერთი საგზურის დაკარგვის საფრთხე პრემიერ ლიგისთვის აღარ არსებობს.

ამჟამინდელი მოდელი, რომელიც 2017/18 წლების სეზონის ბოლომდე შენარჩუნდება, ჩემპიონთა ლიგაზე ოთხი გუნდის წარდგენის უფლებას აძლევს საუკეთესო სამეულში შემავალ ჩემპიონატებს. ასეთ ჩემპიონატებს კი ახლა ესპანეთი, გერმანია და ინგლისი წარმოადგენენ.

ევროტურნირებზე ინგლისური კლუბების წარუმატებელმა ასპარეზობამ ბოლო წლებში მოსაზრება გააჩინა, რომ მალე იტალია UEFA-ს ეროვნული ასოციაციის რეიტინგში პრემიერ ლიგას გადაასწრებს, რითაც ინგლისელები ჩემპიონთა ლიგაზე მხოლოდ სამი გუნდის წარდგენის უფლებას მოიპოვებდნენ.

ეს რისკი ჯერ კიდევ გასულ სეზონში არსებობდა, მაგრამ ვერცერთმა იტალიურმა კლუბმა ვერ გააღწია ჩემპიონთა ლიგის მეოთხედფინალში, რისი მეშვეობითაც ინგლისმა იტალიაზე უპირატესობა შეინარჩუნა, მიუხედავად იმისა, რომ ეს უპირატესობა მხოლოდ 1952 ქულას წარმოადგენდა. ამჟამად კი სხვაობა მხოლოდ გაიზარდა.

თუმცა UEFA-მ მცირე ხნის წინ კოეფიციენტების დათვლის სისტემის ცვლილების შესახებ გამოაცხადა. 2018/19 წლების სეზონიდან ჩემპიონთა ლიგაზე ოთხი გუნდის წარდგენის უფლება ექნება არა სამ ასოციაციას, არამედ ოთხს.

გარდა ამისა, ეს 16 გუნდი ჯგუფურ ეტაპზე ითამაშებს ყოველგვარი საკვალიფიკაციო ეტაპის გავლის გარეშე.