გარი ნევილის აზრით, ენტონი მარსიალი დიდ ფეხბურთელად ჩამოყალიბდება, თუკი თავის პოტენციალს სრულად გამოავლენს და მცველების მოტყუებაზე უფრო ხშირად ითამაშებს.

მარსიალი "იუნაიტედის" სასტარტო შემადგენლობას "უოტფორდთან" მატჩში დაუბრუნდა და თავის აქტივში საგოლე გადაცემასთან ერთად გოლიც ჩაიწერა.

21 წლის ფეხბურთელი "ჰალ სიტისა" და "სტოკ სიტისთან" მატჩების განაცხადში ვერ ხვდებოდა, მაგრამ შაბათს ჩატარებული თამაშისთვის ჟოზე მოურინიოსგან ქება დაიმსახურა.

ნევილი, რომელიც "უოტფორდთან" მატჩს დაესწრო, მიიჩნევს, რომ შეხვედრის საუკეთესო ფეხბურთელს გაცილებით მეტის გაკეთება შეუძლია მარცხენა ფლანგზე ასპარეზობისას.

"შაბათს ძალიან ბევრი რამ გააკეთა კარგად. მის თამაშში ერთმა ნაწილმა განსაკუთრებულად მომხიბლა. საოცრად შეუძლია გამწვავება და მხოლოდ ფიქრობ "მიდი, მასზე ითამაშე". და ისიც მიდის თავისი მუშა ფეხის საპირისპირო ფლანგზე და საჯარიმოში იჭრება, რაც სამჯერ თუ ოთხჯერ მაინც შევამჩნიე.

ძალიან კარგად მოქმედებს, როცა საჯარიმოში იჭრება, გოლის გატანაც შეუძლია და პასის გაკეთებაც, მაგრამ ერთი რამ მაინც აქვს გასაუმჯობესებელი, რის შემთხვევაშიც სრულიად განსხვავებულ შესაძლებლობას შეიძენს და გაცილებით უკეთესი გახდება.

ტიერი ანრის რომ ვიხსენებ, მაგონდება, რომ გვერდითა ხაზზე თამაშიც კარგად გამოსდიოდა და ვფიქრობ, მარსიალმა ეს შესანიშნავად შეძლო მატას გოლის ეპიზოდში.

სიმძლავრე და სიძლიერე ნამდვილად აქვს, მაგრამ ჩემთვის ეს დეტალიც გაუმჯობესებას საჭიროებს, რაც მარჯვენა მცველებს კოშმარულ მატჩებს მოუწყობს, როცა საჯარიმოში პასს გააკეთებს და საჯარიმოს გარედან მათზე ითამაშებს.

მაგრამ საერთო ჯამში ძალიან კარგი იყო. სეზონის დარჩენილი ნაწილისთვის კარგი დასაწყისია. "იუნაიტედს" წინ ბევრი მატჩი აქვს, სათამაშო დროს მიიღებს და გულშემატკივრებსაც უყვართ, მწვრთნელი შანსს აძლევს, ამას უნდა ჩაებღაუჭოს. მსოფლიოში საუკეთესო კლუბშია სათამაშო პრაქტიკის მისაღებად და ვარსკვლავად ჩამოსაყალიბებლად, მხოლოდ ამის გაცნობიერებაა საჭირო.

უდიდესი, უდიდესი პოტენციალი აქვს. ყველაფერს შეიძლება მიაღწიოს, რაც სურს", - განაცხადა მოურინიო.

წყარო: M.E.N.