ზლატან იბრაჰიმოვიჩმა ენტონი მარსიალის პროფესიონალიზმი შეაქო და მიიჩნია, რომ "უოტფორდთან" მატჩში საუკეთესო ფეხბურთელის წოდების მოპოვებას სწორედ შრომისმოყვარეობამ შეუწყო ხელი.

"წითლების" სასტარტო შემადგენლობაში დაბრუნებულმა ფრანგმა გოლის გატანა და საგოლე გადაცემის გაკეთება მოახერხა.

"იუნაიტედის" მწვრთნელმა ჟოზე მოურინიომ მატჩის შემდეგ ახსნა, რომ მარსიალმა თამაშის უფლება თავისი ვარჯიშით დაიმსახურა, რასაც იბრაიმოვიჩი ეთანხმება.

"როცა თამაშობს, კარგად თამაშობს. ეს ბიჭი ძალიან ცოტას ლაპარაკობს, ჩუმი და პროფესიონალია. ყოველთვის თავისი მაქსიმუმის გაკეთებას ცდილობს, ბევრს ვარჯიშობს და ამას შედეგი მოაქვს, როგორც იმ მატჩში დავინახეთ.

ვფიქრობ, ეს თითოეულ ცალკეულ პირზეა დამოკიდებული, მათ ადამიანურობაზე, მიდგომასა და იმაზეც, თუ რამდენად გულახდილია. ბევრს ვარჯიშობს, ბევრ ენერგიას ხარჯავს და თამაშიც ამიტომ სურს, საკვირველი არაფერია.

როცა საუზმეს ვჭამთ და ჩემ გვერდით ზის ან ჩამივლის, ერთმანეთს ვესაუბრებით. ყველა ყველას ელაპარაკება. ეს სულაც არ ჰგავს გამხნევების მცდელობას; გუნდში კარგი ატმოსფეროა და ყველა ბიჭი კარგი ბიჭია, ძალიან პროფესიონალი.

"უოტფორდთან" მატჩში ბევრი შანსი შექმნა. მეორე ტაიმში ვიფიქრე, რომ დაიღალა, რადგან ბევრს დარბოდა და არც ყველა თამაშში უთამაშია, თუმცა კარგი მატჩი ჩაატარა. კარგი გოლი გაიტანა, რაც მისი თავდაჯერებულობისა და გუნდისთვის კარგია", - განაცხადა შვედმა.

წყარო: manutd.com