ჟოზე მოურინიოს მიაჩნია, რომ ზლატან იბრაჰიმოვიჩი მომდევნო სეზონს "ოლდ ტრაფორდზე" გაატარებს და თავისი კარიერის უკანასკნელ უმაღლეს მწვერვალს "მანჩესტერ იუნაიტედთან" დაპყრობს.

იბრაჰიმოვიჩი "იუნაიტედის" რიგებში "პარი სენ-ჟერმენიდან" გადავიდა და კლუბთან 12-თვიანი კონტრაქტი გააფორმა ერთი წლის გახანგრძლივების პერსპექტივით.

მოურინიომ უკვე გამოხატა იბრაჰიმოვიჩთან სამომავლო თანამშრომლობის სურვილი, თუმცა ასევე განაცხადა, რომ შესაძლოა, 35 წლის შვედის საუკეთესო წლები დასასრულს უახლოვდება.

"უოტფორდთან" მატჩის წინა პრესკონფერენციაზე საუბრისას ჟურნალისტებს განუცხადა: "არ მჭირდება მისი კონტრაქტის გაფორმება. სრულიად დარწმუნებული ვარ, რომ დარჩება. აქ 2 წლით დარჩენის სურვილით მოვიდა.

პირველი წელი ნამდვილად არ წარიმართა ისე, როგორც მას სურდა, რადგან ძალიან ამბიციურია, მაგრამ ასეა ყველას შემთხვევაში, ვინც რამეს ელოდა.

იცის, რომ მომდევნო სეზონში კიდევ უფრო მეტად გავუმჯობესდებით და მასთან ერთად გავიზიარებთ მისი კარიერის, ალბათ, უკანასკნელ უმაღლეს მწვერვალზე გატარებულ წელს, ამიტომაც მჯერა, რომ დარჩება".

ზლატანმა მიმდინარე სეზონში ყველა ტურნირზე ჩატარებულ 33 მატჩში 20 გოლი გაიტანა.

მოურინიომ დაამატა: "კლუბსა და სიტუაციას უკვე შეეგუა. მის ოჯახთან დაკავშირებით ვერავითარ პრობლემას ვერ ვხედავ. ხანდახან ზედმეტ დღეს ვაძლევ დასასვენებლად ან შვედეთში ჩასასვლელად, მაგრამ არასდროს იყენებს. ყველაფერი სტაბილურადაა, ამიტომ მჯერა, რომ დარჩება".

წყარო: goal.com