"მანჩესტერ იუნაიტედის" ნახევარმცველ ანდერ ერერას მიაჩნია, რომ პრემიერ ლიგის ცხრილის საუკეთესო ხუთეულში მყოფი გუნდებისთვის ცნობილია მისი კლუბის შესაძლებლობები.

ჟოზე მოურინიოს შეგირდები ამჟამად მეექვსე ადგილზე იმყოფებიან და მეორე ადგილს მხოლოდ 5 ქულით ჩამორჩებიან.

ერერას მიაჩნია, რომ "იუნაიტედის" წინ მყოფი გუნდები "წითლების" 15-მატჩიანი წაუგებელი სერიის ფონზე თავს ლაღად ვერ იგრძნობენ.

"რბოლაში ჩემპიონატის პირველი ექვსი გუნდი და ასევე "ევერტონიც" იღებს მონაწილეობას, რადგან მათ კარგი გუნდი ჰყავთ. ყველას გვსურს ოთხეულში შესვლა და ჯერ კიდევ ბევრი მატჩია ჩასატარები, ჩვენ კი კარგ სერიას ვაჩვენებთ.

ხედავენ, რომ "მანჩესტერ იუნაიტედი" მათზე ზეწოლას ახდენს".

ერერამ "იუნაიტედის" ნახევარდაცვაში წამყვანი როლი ითამაშა მიმდინარე სეზონში ჩატარებული 21 მატჩით, თუმცა ესპანელს მიმდინარე სეზონის პრემიერ ლიგაში ჯერ გოლი არ გაუტანია.

"ყველას სურს გოლის გატანით გუნდის დახმარება, მეც ასევე. იმდენჯერ ვურტყამ, რამდენი შანსიც მაქვს, მაგრამ მახსოვს, რომ შარშან რვა დარტყმით რვა გოლი გავიტანე, რას იზამ, ფეხბურთი ასეთია.

ხანდახან ბურთს მიზანში ახვედრებ, ხანდახან ვერა. გაუმჯობესებას ვეცდები, გუნდის დახმარებას ვეცდები", - განაცხადა ერერამ.

წყარო: goal.com