"მანჩესტერ იუნაიტედმა" "ლესტერ სიტისთან" 3-0 მოგებულ მატჩით საკლუბო რეკორდი დაამყარა.

"ქინგ პაუერ სტედიუმზე" მოპოვებულმა კომფორტულმა გამარჯვებამ "მელიების" წინააღმდეგ ორი მატჩის ჯამში საერთო ანგარიში 7-1 დააფიქსირა - ყველაზე დიდი სხვაობით გამარჯვება მოქმედ ჩემპიონთან, მეორე მსოფლიო ომის შემდეგ.

6-ბურთიანი სხვაობა უკეთესია წინა საუკეთესო შედეგზე, რომელიც 1955/56 და 1964/65 წლებში დაფიქსირდა. სერ მეტ ბასბის გუნდმა "ჩელსის" "ოლდ ტრაფორდზე" 3-0 სძლია, "სტემფორდ ბრიჯზე" კი 4-2, ძლევამოსილმა ტომი ტეილორმა ამ შვიდი გოლიდან სამი გაიტანა.

9 წლის შემდეგ "ლივერპული" დასცეს, როცა "ენფილდზე" 2-0, საშინაო სტადიონზე კი 3-0 მოუგეს. პედი კრერანდმა და დევიდ ჰერდმა გამოიჩინეს თავი მერსისაიდში, ხოლო დენის ლოუმ (2) და ჯონ კონოლიმ "ოლდ ტრაფორდზე".

ამის გარდა იყო სხვა აღსანიშნავი ინდივიდუალური გამარჯვებები ჩემპიონებზე, მათ შორის "ბარნლის" დამარცხება 1961 წლის აპრილში ანგარიშით 6-0, როცა ალბერტ ქუიქსელმა და დენის ვაიოლეტმა ჰეთ-ტრიკები შეასრულეს. 1963/64 წლების სეზონში კი "ევერტონი" 5-1 დაამარცხეს, თუმცა "კანფეტებმა" "გუდისონ პარკზე" 4-0 იმარჯვეს. 1989 წელს "იუნაიტედის" მსხვერპლი პირველივე ტურში "არსენალი" გახდა, რომელსაც ნეილ უების სადებიუტო მატჩში გატანილი გოლის დახმარებით 4-1 მოუგეს.

თუმცა, კვლევამ აჩვენა, რომ "ქინგ პაუერ სტედიუმზე" მოპოვებულმა 3-0 გამარჯვებამ "წითლების" ახალი პირადი რეკორდი დაამაყარა ჩემპიონის ორი მატჩის ჯამში გამარჯვების მომტანი სხვაობის მხრივ.

ჩემპიონების დამარცხება:

1955/56 - 7-2:
"ჩელსი" 3-0 (ს), 4-2 (გ)

1960/61 - 9-5:
"ბარნლი" 3-5 (გ), 6-0 (ს)

1964/65 - 5-0:
"ლივერპული" 2-0 (გ), 3-0 (ჰ)

2004/05 - 6-2:
"არსენალი" 2-0 (ს), 4-2 (გ)

2016/17 - 7-1:
"ლესტერი" 4-1 (ს), 3-0 (გ)

manutd.com