"მანჩესტერ იუნაიტედის" ისტორიულმა მეტოქეებმა "წითელ ეშმაკებს" 1958 წელს მომხდარი ტრაგედიის წლისთავზე მხარდაჭერა გამოუცხადეს და სოციალურ ქსელში გამოაქვეყნეს პოსტი, რომელშიც მიუნხენის ტრაგედიაში დაღუპულ ადამიანებს ეძღვნება.

59 წლის წინ 6 თებერვალს "მანჩესტერ იუნაიტედი" ევროტურნირის მატჩიდან ბრუნდებოდა, როცა მიუხენში ავზის ასავსებად დამჯდარი თვითმფრინავი სამი მცდელობის მიუხედავად ვეღარ აფრინდა. კატასტროფის შედეგად 23 ადამიანი დაიღუპა, რომელთა შორის "იუნაიტედის" 8 ფეხბურთელი იყო.

მიუხედავად იმისა, რომ გასულ სეზონში ევროპა ლიგის მატჩის დროს კლუბის გულშემატკივართა დაპირისპირების საგანი ტრაგედია და მისი დაცინვის მცდელობა გახდა, კლუბებს საერთო არაფერი აქვთ ამასთან და "ლივერპულმა" ამის დასტურად დღეს თავისი მხარდაჭერა გამოხატა:



"საფეხბურთო კლუბ "ლივერპულის" ფიქრები ახლა მიუნხენის ტრაგედიაში დაღუპულ ადამიანებთან არის. 59 წლის წინ დღეს, მაგრამ არასდროს დავიწყებულნი"



"დღეს ვიხსენებთ იმათ, ვინც თავიანთი სიცოცხლე მიუნხენის ავიაკატასტროფაში დაკარგეს".