ჟოზე მოურინიოს მიაჩნია, რომ რიო ფერდინანდმა პოლ პოგბასა და ჯესი ლინგარდის კრიტიკის უფლება "მანჩესტერ იუნაიტედში" გატარებული დროით დაიმსახურა.

პოგბამ "ინსტაგრამზე" მიმდინარე კვირაში ვიდეო ატვირთა, სადაც ასახულია, როგორ ცეკვავს ლინგარდთან ერთად.

ფერდინანდმა კი, რომელმაც "ოლდ ტრაფორდზე" ყოფნისას ექვსჯერ მოიგო პრემიერ ლიგა და ერთხელ ჩემპიონთა ლიგა, ფიქრობს, რომ პოგბას და ლინგარდს არ აქვთ ცეკვის მიზეზი, სანამ მათი გუნდი პრემიერ ლიგის ცხრილში მეექვსე ადგილზე იმყოფება.

"იუნაიტედი" მომდევნო მატჩს დღეს "ლესტერის" წინააღმდეგ გამართავს და ბოლო 4 ტურში პირველი გამარჯვების მოპოვებას ეცდება.

"ქინგ პაუერ სტედიუმზე" გასამართი მატჩის წინ მოურინიოს ჰკითხეს, ეთანხმებოდა თუ არა ფერდინანდის მოსაზრებას, რაზეც უპასუხა:

"რიოს პატივს ვცემ. ჩემს კლუბში დიდი ადამიანი იყო. ჩემი კლუბის ლეგენდა იყო. მე არ ვარ, ამიტომაც, როგორც ადამიანმა, ვინც მისი დონის არ არის, არ უნდა ჩავთვალო, რომ რიოს შესახებ კომენტარის გაკეთების უფლება მაქვს.

არ გეუბნებით, რომ ვეთანხმები ან არ ვეთანხმები. ეს არ მითქვამს. მხოლოდ ის ვთქვი, რომ თითოეული ეს ადამიანი, რომელიც "მანჩესტერ იუნაიტედის" ისტორიაში შედის, გაცილებით დიდია, ვიდრე მე. კომენტარს არ ვაკეთებ და არ ვიტყვი, რომ ვეთანხმები ან არ ვეთანხმები".

წყარო: M.E.N.