ანტონიო ვალენსიამ იანვრის თვეში "მანჩესტერ იუნაიტედის" საუკეთესო ფეხბურთელის ჯილდო მოიგო, რის შედეგადაც "წითლების" პირველი ფეხბურთელი გახდა, რომელმაც მიმდინარე სეზონში ეს ჯილდო ორჯერ მოიგო.

მიუხედავად იმისა, რომ თვის ბოლო მატჩი გამოტოვა, ეკვადორელმა "თვითერსა" და კლუბის ოფიციალურ საიტზე ჩატარებულ გამოკითხვაში ხმების 57% მიიღო და თავის კონკურენტებს, ფილ ჯონსსა (22%) და მარკუს რეშფორდს აჯობა (21%).

ასევე ნოემბრის თვის საუკეთესო ფეხბურთელმა 2017 წლის პირველ თვეს თავდასხმასა და თავდაცვაში გუნდს დიდი დახმარება გაუწია და ჯილდოდ კონტრაქტის ვადის გახანგრძლივებაც დაიმსახურა.