ჟოზე მოურინიომ "ჰალ სიტისთან" მატჩის შემდეგ მსაჯების არათანმიმდევრულობის შესახებ მორიგი კომენტარი გააკეთა და მაგალითად იურგენ კლოპის შემთხვევა მოიყვანა.

"მანჩესტერ იუნაიტედის" მთავარი მწვრთნელი გააბრაზა იმ ფაქტმა, რომ უმარ ნიასე მსაჯმა უხეშად თამაშის გამო არ გააძევა, მიუხედავად მანამდე მიღებული ყვითელი ბარათისა. სიბრაზის გამოხატვის შემდეგ კი მოურინიომ მეოთხე არბირტთან გამოხატა პრეტენზიები, რის გამოც მოუწოდეს, თავისი ადგილი დაეკავებინა.

განსხვავებულ ვითარებაში აღმოჩნდა "ლივერპულის" მთავარი მწვრთნელი, იურგენ კლოპი, რომელსაც მსგავს სიტუაციაში ბოდიში მოუხადეს.

"ბევრი ლაპარაკი არ მინდა, რადგან ბევრ სასჯელს ვიღებ. მე უფრო მეტ საზღაურს ვიხდი, ვიდრე სხვები, გაცილებით მეტს. მაგალითად, გუშინ ერთ-ერთ მწვრთნელს მეოთხე მსაჯმა უთხრა "მომწონს თქვენი ემოცია და რადგან მომწონს, პრობლემაც არ არის."

მე კი დღეს მითხრეს, "დაჯექი, თორემ ტრიბუნაზე გადასვლა მოგიწევს" და მოედანზეც ბევრი მსგავსი რამ მოხდა.

ჩემი ემოცია არ მოსწონთ, თუმცა ამ სეზონში რაც ხდება, ჩემი განსახილველი არ არის", - განაცხადა მოურინიომ.

წყარო: skysports