დღეს ინგლისის ასოციაციის თასის მეოთხე რაუნდის შეხვედრაში "მანჩესტერ იუნაიტედმა" "უიგანს" უმასპინძლა. "ოლდ ტრაფორდზე" შეკრებილმა გულშემატკივარმა ოთხი გოლი იხილა.

მასპინძლებმა ანგარიშის გახსნა ტაიმის მიწურულს მოახერხეს, შვაინშტაიგერის ჩაწოდების შემდეგ თავური დარტყმით ფელაინიმ მოახერხა მეტოქის კარის აღება. მეორე გოლი კრის სმოლინგის ანგარიშზეა, რომელმაც ასევე თავური დარტყმით მოახერხა მეტოქის დამწუხრება. მესამე გოლის გატანა მხითარიიანმა მოახერხა, რომელმაც მარსიალის გადაცემით ისარგებლა. შეხვედრაში წერტილი კი 81-ე წუთზე შვაინშტაიგერმა დასვა, 4-0.