მარკუს რეშფორდს მიაჩნია, რომ ჟოზე მოურინიო იდეალური მწვრთნელია "მანჩესტერ იუნაიტედის" მწვერვალზე დასაბრუნებლად.

"ოლდ ტრაფორდის" მკვიდრები სერ ალექს ფერგიუსონის პენსიაში გასვლის შემდეგ პრემიერ ლიგის ტიტულისთვის ბრძოლას ვერ ახერხებენ, მაგრამ რეშფორდს მიაჩნია, რომ მოურინიოს ხელმძღვანელობით გუნდი ამას შეძლებს.

"იუნაიტედის" 17-მატჩიანი დაუმარცხებელი სერია "ჰალ სიტისთან" ლიგის თასის ნახევარფინალის გამეორებით მატჩში შეწყდა, თუმცა "წითლები" ფინალში მაინც გავიდნენ.

"ნამდვილად მგონია, რომ მოურინიო იდეალური მწვრთნელია "მანჩესტერ იუნაიტედში" ტიტულების დასაბრუნებლად. თავისი სამწვრთნელო უნარების გამო მას მსოფლიოში აღიარებენ.

"იუნაიტედში" მისმა გადმოსვლამ ფეხბურთელებსა და გულშემატკივრებში თავდაჯერებულობა დანერგა.

ხანდახან ცალკეულ მატჩში გვიჭირს, მაგრამ მოურინიო "იუნაიტედისთვის" იდეალური მწვრთნელია", - განაცხადა ახალგაზრდა ინგლისელმა.

რეშფორდი პირველ გუნდში ლუი ვან გაალის ხელმძღვანელობით გასულ სეზონში გამოჩნდა, თუმცა პორტუგალიელი სპეციალისტის ხელმძღვანელობით მას ხელახლა მოუწევს შემადგენლობაში თავის დამკვიდრება.

"ჟოზე მეუბნებოდა, რომ სიმშვიდე შემენარჩუნებინა და მატჩებს ისე მივდგომოდი, როგორც ვარჯიშებს.

მეც იმასვე მეუბნება, რასაც სხვებს."

წყარო: goal.com