დავიდ დე ხეას მიაჩნია, რომ "მანჩესტერ იუნაიტედს" ფეხბურთელთა ამჟამინდელი ჯგუფით ნათელი მომავალი ელის.

"წითლები" ჯერ კიდევ იბრძვიან 4 სხვადასხვა ტურნირზე, რომელთაგან ერთ-ერთის ფინალში გასვლის შანსი ხუთშაბათს "ჰალ სიტისთან" მატჩში მიეცემათ.

"იუნაიტედს" 2-ბურთიანი უპირატესობა აქვს და დიდი ალბათობით ლიგის თასის ფინალში მოხვდება, სადაც "საუთჰემპტონსა" და "ლივერპულს" შორის გამარჯვებულს შეხვდება.

"ვფიქრობ, ამაღელვებელი პერიოდი გვაქვს. გასახდელ ოთახში ძალიან, ძალიან პოზიტიური ატმოსფეროა. ბიჭების დიდებული ჯგუფი გვაქვს, ზოგიერთი ფეხბურთელი უბრალოდ ბრწყინვალეა თავისი უნარებით.

ჩვენზეა დამოკიდებული მოვლენათა ჩვენდა სასარგებლოდ წარმართვა. ძალისხმევა არ უნდა დავიშუროთ. სოლიდური ჯგუფი გვყავს და ერთმანეთთან ძალიან ახლოს ვართ. მატჩების მოგებაში ამას დიდი მნიშვნელობა აქვს.

ასეთი ფეხბურთელებითა და თავდაჯერებულობით ნათელი მომავალი გვაქვს", - განაცხადა ესპანელმა მეკარემ.

წყარო: M.E.N.