უეინ რუნიმ კიდევ ერთხელ დაადასტურა, რომ ფეხბურთელის კარიერის დასრულების შემდეგ სამწვრთნელო კარიერას დაიწყებს - მან უკვე დაიწყო კურსებზე სიარული.

"მანჩესტერ იუნაიტედის" კაპიტანი ახლა უკვე კლუბის ყველა დროის საუკეთესო ბომბარდირია, რამეთუ მან სერ ბობი ჩარლტონის 44-წლიანი რეკორდი "სტოკ სიტისთან" გატანილი ჯარიმით დაამხო.

საფეხბურთო მწერალთა ასოციაციისგან ჯილდოს მიღების შემდეგ რუნიმ განაცხადა: "ადრეც ვთქვი საჯაროდ, რომ სამწვრთნელო საქმიანობის დაწყებას ვაპირებ. ჯერ კურსები უნდა დავასრულო, რასაც უკვე გავდივარ.

ვფიქრობ, სირცხვილი იქნებოდა, ჩემი საფეხბურთო ცოდნის ფონზე ფეხბურთი მაშინვე მიმეტოვებინა, როგორც კი კარიერას დავასრულებ".

წყარო: the sun