მემფის დეპაიმ და მორგან შნეიდერლინმა უკვე დატოვეს კლუბი და მედია ირწმუნება, რომ მათ გზას ლუკ შოუც შეიძლება დაადგეს ზაფხულში.
ფეხის ორმაგი მოტეხილობის შემდეგ მარცხენა მცველს სათანადოდ დაბრუნება გაუჭირდა და მისი ბოლო მატჩი 30 ნოემბერს "ვესტ ჰემთან" ლიგის თასის ნახევარფინალში შედგა.
მიუხედავად იმისა, რომ შოუ გამოჯანმრთელდა, ის "ლივერპულთან" მატჩის განაცხადში ვერ მოხვდა.
როცა ჰკითხეს, ტრავმა იყო თუ არა მიზეზი იმისა, რომ ინგლისელი არ თამაშობს, მოურინიომ უპასუხა: "რა თქმა უნდა. ეს არის ძირითადი მიზეზი.
გუნდში უნდა გყავდეს ის ფეხბურთელები, რომლებმაც უფრო მეტი წუთი მიიღეს, უფრო კარგ მდგომარეობაში იმყოფებიან.
და ლუკ შოუს შემთხვევაში, იმ მატჩშიც კი, რომელშიც მზად იყო და მატჩი სასტარტოში დაიწყო, "რედინგთან" 90 წუთი უნდა ეთამაშა, დილით ავად გახდა და თამაში არ შეეძლო.
ასე რომ, იმ მატჩშიც კი, სადაც უნდა დაბრუნებულიყო, ვერ შეძლო. შოუს რთული პერიოდი აქვს."