"ბოკა ხუნიორსი" ზაფხულში "მანჩესტერ იუნაიტედის" მეკარის, სერხიო რომეროს შეძენას ეცდება.

29 წლის არგენტინელი "ოლდ ტრაფორდზე" დავიდ დე ხეას ჩრდილში ექცევა და მიმდინარე სეზონში მხოლოდ ხუთი მატჩი ჩაატარა.

გამომდინარე იქიდან, რომ სემ ჯონსტონი სეზონის ბოლომდე "ასტონ ვილაში" იასპარეზებს იჯარის წესით, რომეროს ტრანსფერი ზამთარში არ განხორციელდება, რადგან ჟოზე მოურინიოს გუნდში ის ერთადერთი გამოცდილი სათადარიგო მეკარეა.

რომერომ თავისი კარიერა არგენტინულ კლუბ "რასინგში" დაიწყო, რის შემდეგაც 2007 წელს "აზ ალკმაარში" ლუი ვან გაალის ხელმძღვანელობით ასპარეზობდა.

ამის შემდეგ მის კარიერაში იყო წარმატებული თამაში "სამპდორიასა" და "მონაკოში", "ოლდ ტრაფორდზე" მიცემულმა არასაკმარისმა სათამაშო პრაქტიკამ კი არგენტინის ნაკრებში მისი პოზიციები შეიძლება შეარყიოს.

ამიტომ, "ბოკას" იმედი აქვს, რომ რომეროს არგენტინაში დააბრუნებს და მას გუნდში ნომერ პირველი მეკარის პერსპექტივით მოხიბლავს.

წყარო: skysports