"ლივერპულთან" მატჩში ცუდად თამაშის შემდეგ პოლ პოგბა აღნიშნავს, რომ ბრძოლისთვის მზად არის.

ფრანგი ნახევარმცველი "ოლდ ტრაფორდზე" გამართული შეხვედრის პირველ ტაიმში საკუთარი გუნდის საჯარიმოში საჰაერო ორთაბრძოლაში მეორე სართულის მოსაგებად ახტა, მაგრამ თავის ნაცვლად ბურთს ხელით შეეხო.

დანიშნული პენალტი ჯეიმს მილნერმა გოლად გარდასახა და "წითლები" ანგარიშის გათანაბრებას ვერ ახერხებდნენ, სანამ მატჩის მიწურულს ზლატან იბრაჰიმოვიჩმა არ გაიტანა.

მთელი ყურადღება კი პოგბაზე იყო გადატანილი, რასაც არა მარტო მისმა ცუდმა მოქმედებებმა და სატრანსფერო ღირებულებამ, არამედ ახალმა ვარცხნილობამ და "თვითერზე" ახლახანს მისი სახელობის "ჰეშთეგ ემოჯის" გამოჩენამ შეუწყო ხელი.



სხვა სოციალური ქსელის, "ინსტაგრამის" დახმარებით კი პოლმა მატჩთან დაკავშირებით თავისი აზრი გამოთქვა და აღნიშნა, რომ ის და მისი თანაგუნდელები მომდევნო მატჩისთვის უნდა მოემზადონ.

"ნეხვობა ხდება. სწორედ ამ დროს უნდა ვიყოთ ძლიერები. აქ ვარ, ბრძოლისთვის და მომდევნოსთვის მზად ვარ!

მინდა, ყველა გულშემატკივარს გადავუხადო მადლობა, ვისაც ყოველთვის სჯეროდა ჩემი და მხარს მიჭერდა. როგორც მინიმუმ, არ წავაგეთ. არასდროს შეწყვიტოთ ბრძოლა," - დაპოსტა ფრანგმა.

წყარო: goal.com