"მანჩესტერ იუნაიტედის" მცველმა ფილ ჯონსმა გაამხილა საიდუმლო, თუ როგორ შეძლო ასე დიდხანს ფორმის შენარჩუნება და ტრავმებისთვის თავის დაღწევა.

24 წლის ჯონსი ერთ-ერთი სიურპრიზია მიმდინარე სეზონში, რომლის პირველი მატჩიც მან მხოლოდ ნოემბერში ჩაატარა. მას შემდეგ ფილმა ჟოზე მოურინიოს გუნდის ძირითად შემადგენლობაში დაიმკვიდრა ადგილი.

ჯონსის თქმით, მისი წარმატება "წითელი ეშმაკების" ყოფილ მცველს, რიო ფერდინანდს უკავშირდება და ფილი მთავარი მწვრთნელის მხარდაჭერასაც გრძნობს.

"რიო ფერდინანდისგან ვისწავლე რაღაც და ვუყურე, რას აკეთებდა. ახლა მეც ვარ დაკავებული იოგათი და პილატესისთვის ტრენაჟორი ვიყიდე. შესაძლოა, ადრე ისეთ რამეებს ვაკეთებდი, რაც ჩემი აზრით, კარგი უნდა ყოფილიყო, მაგრამ ამან არ გაამართლა.

მოურინიოსთან ჩემი პირველი საუბარი მახსოვს, მითხრა: "ჯანდაბა, ჯანმრთელი ხარ!" და მაშინვე დავიზიანე მუხლი, დავეცი რა, მოუხერხებლად.

ჟოზე მხარს მიჭერს და ჩემში თავდაჯერებულობას ნერგავს", - განაცხადა "იუნაიედის" მცველმა.