"მანჩესტერ იუნაიტედს" წლების განმავლობაში "ოლდ ტრაფორდზე" უამრავი გოლი აქვს გატანილი "ლივერპულის" კარში, ახლა კი თქვენი დახმარება გვჭირდება საუკეთესოს გამოვლენაში.
კვირას გასამართი მატჩის წინ "იუნაიტედის" ოფიციალურმა საიტმა 4 გოლი გამოარჩია, რომელთაგან საუკეთესოს ასარჩევად შემდეგ ბმულზე უნდა გადახვიდეთ: twitter.com/ManUtd
დევიდ ბექჰემი - "იუნაიტედი" 1-0 "ლივერპული", 12 ოქტომბერი, 1996
სტუმრები "ოლდ ტრაფორდს" 5-მატჩიანი გამარჯვებათა სერიით ეწვივნენ, მაგრამ პირველ ტაიმში ბექჰემის მიერ გატანილი გოლი საკმარისი აღმოჩნდა იმისათვის, რომ "ლივერპული" დამარცხებულიყო, სერ ალექსის გუნდს კი ზედიზედ მერედ მოეგო პრემიერ ლიგა.
რიო ფერდინანდი - "იუნაიტედი" 2-0 "ლივერპული" 22 ოქტომბერი, 2006
იმ სეზონში უკვე მოგებულ მატჩს "იუნაიტედმა" მეორე შეხვედრის მოგებაც დაურთო. რიო ფერდინანდის გოლი მეორე აღმოჩნდა პოლ სქოულზის მიერ ანგარიშის გამხსნელი გოლის შემდეგ, რაც საკმარისი იყო რაფაელ ბენიტესის გუნდის დასამარცხებლად.
დიმიტარ ბერბატოვი - "იუნაიტედი" 3-2 "ლივერპული", 19 სექტემბერი, 2010
ბულგარელმა თავდამსხმელმა მანამდეც გაიტანა გოლი, მოგვიანებით კი შესანიშნავი მოძრაობით კიდევ ერთხელ აიღო პეპე რეინას კარი. მას შემდეგ, რაც ანგარიში გათანაბრდა და 2-2 გახდა, ბერბატოვმა ჰეთ-ტრიკიც გაიფორმა და თავის გუნდს გამარჯვება მოუტანა.
ენტონი მარსიალი - "იუნაიტედი" 3-1 "ლივერპული", 12 სექტემბერი, 2015
კრისტიან ბენტეკეს მიერ გატანილი გოლიდან რამდენიმე წუთში მარსიალმა მსოფლიოს საუკეთესო საშუალებით გააცნო თავი. გარდა გოლის სილამაზისა, ეს ბურთი იმითაც იყო გამორჩეული, რომ მარსიალმა იგი სადებიუტო შეხვედრაში გაიტანა.