მორგან შნეიდერლინი "ევერტონის" Finch Farm სავარჯიშო ბაზაზე მივიდა, რათა "მანჩესტერ იუნაიტედიდან" მისი გადასვლა ოფიციალურად გამოცხადდეს.

სამშაბათს ცნობილი გახდა, რომ 27 წლის ფრანგი "კანფეტებს" 22 მლნ. ფუნტად შეუერთდება და ამ თანხას ბონუსებიც დაემატება.

ნახევარმცველი "ევერტონის" ბაზაზე შავი "პორშე პანამერათი" მისვლისას შეამჩნიეს.



მორგანი "იუნაიტედს" 2015 წლის ივლისში 24 მლნ. ფუნტად შეუერთდა და პრემიერ ლიგაში მან 32-ჯერ მოირგო "წითლების" მაისური.

მიმდინარე სეზონში კი ყველა ტურნირზე მხოლოდ რვა მატჩი ჩაატარა და რეგულარული სათამაშო პრაქტიკის უქონლობის გამო კლუბის დატოვება ისურვა.

თუმცა შნეიდერლინმა მხოლოდ "ევერტონში" გადასვლის სურვილი გამოთქვა, რის გამოც "ვესტ ბრომვიჩის" წინადადებას არ დათანხმდა.

წყარო: dailymail